ஔவையாரின் மூதுரை விளக்கம் – 13

கவையாகிக் கொம்பாகிக் காட்டகத்தே நிற்கும்

அவையல்ல நல்ல மரங்கள் – சபைநடுவே

நீட்டோலை வாசியா நின்றான் குறிப்பறிய

மாட்டா தவனன் மரம்.

விளக்கம்.

கிளைகளையும் கொம்புகளையும் உடைய நன்கு வளர்ந்தும், காட்டின் நடுவில் நின்றிருக்கும் மரங்கள் சிறந்தவை அல்ல. (அதுபோல) அறிஞர்களின் கூட்டத்தின் இடையில் கையில் கொடுத்த ஏட்டை படிக்க முடியாமல் நின்றவனும், ஒருவன் கருத்தின் அடையாளத்தைத் தெரிந்துகொள்ள முடியாதவனும் சிறந்தவன் அல்ல.

(கருத்து – கல்வி அறிவில்லாதவனும் பிறர் கருத்தின் குறிப்பை உணராதவனும் மரங்களுக்குச் சமம் என்பதாம்)